說時遲，那時快，我調左上柴灣都已經有差唔多成個月，柴灣比西灣河冇咁忙，外局舂坎角消防局更加係香港夏威夷，日日陽光與海灘!!但有個唔好: 一係唔做，做親都大大單!!先講柴灣，平時做開老人家多，間中DBA(Death Before Arrive)殺下人，但一響交通意外 or 工業意外，一定做到仆街，差唔多做親都要直上瑪麗(創傷中心).....再講舂坎角，一向服待開有錢佬，做赤柱監獄等如遊車河，但耐唔耐做一單石澳海灘就真係夠攞你命，久唔久mountain rescue，顧名思義即係先mountain(上山)，後rescue(救人)...烈日當空.....正!!

話說小弟早派應驗左呢番話，做左單發生喺杏花村巴士廠既工業意外，一個巴士維收工人整車既時候唔知點解掉左落條車底既整車坑度，左前臂骨折，頸痛，Shortness of breathing，清醒程度下降....聽到呢堆野都知要上瑪麗，結果我地同班消防員就屈左喺個高四尺半，又焗又熱又臭又污衊既車坑同個工人做大龍鳳，longbroad, HID，夾板出齊，固定好哂之後由消防員吊返上呢，前前後後喺個個環境做足半個鐘，汗都出埋，做到成身油跡，白衫變黑，去到醫院D姑娘見到我都行後兩步，嚇親D姑娘，我望一望佢，佢望一望我，我都唔想架.....做野姐!!!

ps:舂坎角你地可能未聽過，唔知喺邊，其實喺石澳同淺水灣中間!!有錢人既聚居地~~