出左班差唔多一個月，一直都駐守西灣河，一個月呢，同個度D人開始熟絡，明哥，倫哥，忠哥，家維開始有傾有講，但美好的日子總係短暫的，話說我尋日行行下街，收到個電話，係局打呢，一個晴天霹靂的消息:  俾人放逐，由即日起我會調落柴灣救護站C隊，下星期一C隊 First Day，柴灣救護站報到!!  OH MY GOD!!

冇啦啦俾人調，原來係我A隊唔夠司機，調個司機上呢就調返個人落去，新仔，一開刀就中!!  柴灣間局好Q遠 & 好吊腳，仲要有中更，即由1100-2300，2255去車遲收工，返到局沖埋涼行得落去都成十二點幾，挽下手地鐵尾班車開埋都唔知點返屋企!! 但既成事實，講左係咁就咁，星期一都要去報到，唯有打俾蘇sir睇下有冇得攪，希望蘇sir再一次幫我破地獄!!

真心話: 係西灣河的一個月，多謝我A隊的三柴華哥教左我好多好多，令我由一個新出班咩都唔識教到我係一個開始有SENSE既救護員，俾你讚我一句做得好，有SENSE真係好開心! 我每次都好珍惜你手執住本journey record同我解釋個轉call的每一個動作，從vitial sign(維生指數) 可以顯示到個病人係咩情況，點樣對症下藥既時間，連返夜更四點幾都會講俾我知，有時d call俾埋我做埋incharge，差在未俾埋本journey record俾我寫!! 令我對COPD病同 EMA I 的三種藥認識深左好多，好開心我走車最初階段遇到你呢個咁有料同好又教，唔好又教既一個好師父，真係好想再跟你學野