明愛事件今日又差點發生:

       話說今朝去左銅鑼灣頂更，做左轉call去東區醫院，同A&E姑娘交收完之後咁就返架車度整理好D野，突然見到救護車聯絡主任-王sir 好衝亡咁出呢，一見到我地停左喺門口，就同樂哥講有人報警話醫院大門口有人抽筋暈左，我地立即上車衝出去(ps: A&E門口同醫院大門口係有段距離)，A&E既幾個醫生都推埋張輪椅出去，出到去，見到有堆人圍住，埋到去有一個貴婦呀嬸扶個女士，同我地講話佢抽筋抽到暈左，仲話報左警成十幾分鐘，再話喺間醫院門口都要咁耐，離哂譜!!

注意: 我行到埋去個女士隻眼係開仲識望住我，只不過有少少目呆，隻手仲識指住我個ORS!!

之後再好大聲咁叫:「快D俾氧氣佢啦，你睇下佢.....」

咁我地同醫生就好快咁俾左個面罩佢就馬上上車入A&E既R房，醫生都跟埋上車，跟住樂哥問係咪佢屋企人，個貴婦呀嬸就笑住口同我地講話佢係路人甲，之後樂哥就關門走，個醫生話唔駛理佢，之後話:「小姐(Patient)，又係你呀(A&E熟客，精神病)，今次做咩事呀?」樂哥就話:「佢係鬼抽筋咩，換氣過速之嗎，你睇下，一分鐘三十幾下呼吸!!」 

醫生:「咪係囉，呢樣唔識唔怪佢，隻眼開既都要話佢暈，喺醫院門口咁又點姐，又唔係A&E門口又唔係救護站門口，如果可以咁輕鬆羅埋D野走出呢咁要救護車呢做咩，係度亂講!! 冇腦!!」

醫生的說話好啱，明明一件好簡單既事俾個呀嬸講講下又演變左另一單明愛事件....報左警十幾分鐘，即係話我地警察同消防既control center冇用啦，學明哥開講:「你用一句呢挑戰一套7億的調派系統? 冇佢我地做到由聽電話起12分鐘到場?」王sir個時已經係拎住個對講機走出呢搵車出去幫手!!Control已經唔將轉call叫落架車度，而係直接用RT叫王Sir出去搵車!! 十幾分鐘? 有冇可能? 再者，叫我地俾氧氣佢?你又識? 你又知點救? 雖然的確係要俾氧氣，但我好肯定講，如果你都識，我駛咩入去操半年，我入去唔係玩!!

呢D貴婦呀嬸個把口真係.........嚇死人..........人言可畏